忙*忙*忙

睇到大公仔留言俾我﹐打從心底笑出來。佢真係好可愛。唔...好掛住佢

今日開始忙碌咁拾野﹐搬上搬落好鬼累。約左搬運公司今個星期日去我家搬野﹐所以明天要買齊所有東西﹐拾好野。下個星期五就要飛了。

晚上用MSN同朋友傾計~講下近況咁~~佢send左近照俾我。

<---我的中學同學<攝於基朗中學>













今日拾野明明拾到樣好特別既野。當時仲話想寫低落blog﹐點知而家諗唔到係乜。。。。激死。。

呢排聽覺差左好多﹐聽唔到人講野﹐又耳嗚﹐好煩!

甜*酸*苦*辣

一邊飲住柚子蜜一邊諗住今日發生的事﹐口中的甜和心中的苦形成強烈的對比。很快就到和大公仔分開的時刻﹐收到佢七月要出海﹐半年才能回家的消息﹐無論係我﹐大公仔個媽媽﹐每個人心情也很沉重。我想輕鬆一D去面對﹐但原來唔容易。畢竟我要一個人0係0個邊生活﹐但我相信無野可以難倒我。否極會泰來﹐明天一定會更好。

我覺得自己的人生好似比別人豐富一點點﹐可以比別人經歷多一點點。雖然有好多眼淚﹐但一樣有很多值得回味的地方﹐有時睇返D日記﹐會訝異原來自己在某某年做過某件傻事﹐諗過傻野﹐唔睇都唔記得呢件事。若我有恒心將寫日記﹐寫blog的習慣延續落去﹐我相信到老既時候睇返﹐會有種"啊~~原來我以前的生活都几精彩"既感覺。

半年。。。。會唔會係一個好漫長的日子呢。。。。

人生的乍然離別，常常殺我們一個措手不及。有誰能夠為離別練習呢？倘若可以練習，便不會有那麼多的眼淚和懸念。--張小嫻 <流浪的麵包樹>

To 大公仔--My love will get you home

My love will get you home

If you wander off too far. My love will get you home.
If you follow the wrong star. My love will get you home.
If you ever find yourself Lost and all alone.
Get back on your feet and think of me.My love will get you home.
Boy My love will get you home.

If the bright lights blinds your eyes. My love will get you home.
If your troubles break your stride. My love will get you home.
If you ever find yourself Lost and all alone.
Get back on your feet and think of me. My love will get you home.
Boy My love will get you home.

If you ever feel ashame. My love will get you home.
If its only you to blame. My love will get you home.
If you ever find yourself Lost and all alone.
Get back on your feet and think of me. My love will get you home.
BoyMy love will get you home.

If you ever find yourself Lost and all alone.
Get back on your feet and think of me. My love will get you home.
BoyMy love will get you home.
BoyMy love will get you home.

我的愛能把你帶回家

如果你流浪 走得太遠
如果你跟了一顆錯的星星而行
如果你發現自己迷失了 正感到孤單
請你回過神來想想我 因為我的愛會把你帶回家
男孩 我的愛能把你帶回家

如果明亮的光線使你雙眼再也看不見
如果你的煩惱阻礙你邁大步走
如果你發現自己迷失了 正感到孤單
請你回過神來想想我 因為我的愛會把你帶回家
男孩 我的愛能把你帶回家

如果你覺得羞愧
如果只有你被責怪
如果你發現自己迷失了 正感到孤單
請你回過神來想想我 因為我的愛會把你帶回家
男孩 我的愛能把你帶回家

小Q VS 肥瑤

忘記左"溏心風暴"仲有一個我最喜愛的演員﹐就係可愛到不得了既小Q啦。每次見到佢出場都忍唔住捉住大公仔大叫"好可愛啊!!"。小Q真係好乖0架﹐無論邊個抱點樣抱都唔反抗。傻傻既樣子真係可愛到不得了啊!!勁想擁佢入懷。俾在阿肥瑤﹐咁搞法實唔客氣送三條血痕你歎呢~不過我都好中意肥瑤咁有性格。希望睇我blogger既人唔好俾我呢個貓癡嚇親啦.嘩哈哈~

在此附送肥瑤大肚dump玉照一張.

<----"我唔係善男信女,識相既唔好搞我" 設計對白

又要搬家喇~

今朝一起身即刻走左睇0下有無人留言俾我先~果然有wor.不過阿美話斜體好難睇wor.咁改返正常啦~仲諗住斜體靚D tim..(嗚嗚)..阿美話教我整連結wor.咁你就快D教啦!大公仔成日話我笨。係啊我笨啊~但我肯學米得囉。係呢阿美小姐~請問點0係你個blog留言俾你0架?搵唔到個地方留言既(R頭)?

今日竟然收到大公仔個阿爸text message wor. 第一次咋~而家佢部電話可以打中文﹐同佢聯絡方便好多啦~我都想send text message俾阿美同靚媽咪wor. 有無計啊阿美?

喂阿美你收到電話未啊?一個禮拜喇wor.

上次去Game stop竟然俾我搵到阿美話好玩既"塊魂".唔知買唔買好,因為二手都要$30美金.驚買左俾大公仔鬧我又洗錢.當時我隻手已經渣住另一隻game, 諗過都係玩左呢隻先買.我搬之前買埋去玩.

整個下午一邊睇電視一邊拾野.話咁快就拾左四箱野.對於搬屋無人夠我多啊~由去美國0個年開始到2007年﹐呢8年來我搬過8次屋了。真係講都無人信﹐對於居無定所的生活已經習慣哂喇。朋友都佩服我一個人住﹐佢地問我大時大節一個人唔寂莫嗎? 唔寂莫啊~我有一班好好的朋友﹐呢几年仲有大公仔陪我tim, 已經好幸運呢.

今晚晚餐有菜甫炒旦。好似第一次食。好正wor.

謎

不經不覺又到十點。唔知大公仔訓得好唔好﹐頭先得閒無野做睇返大公仔寫俾我既信﹐心情好沉重。希望大公仔今晚可以訓個好覺﹐唔好失眠﹐唔好掛住我。

睇到第十集"謎",睇左等於無睇﹐我以為佢會解開D謎﹐點知令我謎上加謎﹐都無興既。不過有D資料我唔知﹐算叫做學左D新野啦。唔知阿美同大公仔有無睇呢?

今日開口講唔夠十句野﹐有D口臭。。。。

星星和戰車

見到阿美有個靚靚blog,我呢個家家又唔拾輸咁開返個~~well..我都唔sure自己有無耐性成日走上0黎寫野.

琴日送走左2個好重要既人,一個係大公仔,一個係天使黃﹐大公仔要返入海軍繼續佢保家衛國既工作。而天使黃則返香港追尋佢既夢想--發達之夢。呢兩個好重要既人0係同一日之內離開我﹐有乜理由唔感慨啊。。唉。。無左大公仔0係身邊﹐時間過得太慢喇﹐平時大公仔就好似我既玩具咁﹐捉住佢又可以玩一日﹐呵呵~~好似好變態。

今朝一早訓醒即刻send個message俾大公仔﹐佢0睇完屋﹐食埋lunch就要去report. 佢話0個度好大wor. 當然啦~全美最大海軍基地﹐唔大點得啊? 我地今次有"幸"俾人派去大base, 唔知係好事定壞事呢? 希望大公仔快D搵到屋俾我,咁我就可以快D展開新生活。

呢排追緊"溏心風暴", 睇到35集,阿美有無睇啊?講真開頭好無聊,特別得得地同常在心呢一pair, 有D煩﹐但後面好少少。唔通年紀大0左? 我中意睇關菊英多過班後生仔女WOR. 雖然第二次睇佢,但佢真係唱得又睇得。

頭先睇阿美個blog, 佢畫畫又進步左wor. 真好,有恒心咁keep住學落去.唔似我咁3分鍾熱度﹐除左貪靚同扮靚呢個熱誠keep得住之外就無其他喇~